Síðustu daga hef ég fengið að heyra það nokkrum sinnum að ég sé orðin svo heimilsleg. Það er aðallega útaf því að ég hef verið að baka brauð og leggja smá effort í matreiðslu yfir höfuð. Það er ekki eitthvað sem ég hef mikið pælt í um ævina þar sem að mamma er algjör snillingur í eldhúsinu, sem hefur komið í veg fyrir að ég hafi nokkuð þurft að elda.
Á laugardaginn fórum við Árni svo á útimarkað og tvö shoppingmall. Við vorum að labba framhjá zöru þegar ég segi við árna:
Ég: "Þig vantar nú svolítið spariföt, eða ekki kannski spari heldur bara svona fínni hversdagsföt, finnst þér það ekki?"
Árni: "Neibb" Kom svo með eitthvað um að hann vildi bara vera í sínum fötum og að ég ætti ekki að vera að reyna að breyta því.
Ég: "Mér finnst fatastíllinn þinn mjög flottur. Mér finnst bara alltílagi að breyta til svona öðru hverju"
Getiði hvernig það endaði. Kallinn labbaði út úr H&M hæstánægður með tvær skyrtur og tvær peysur(cardigan-type peysur). Og ég á eftir, ánægð með sjálfa mig.
Í morgun áður en ég fór í skólann ákvað ég að athuga hvort að það væri hægt að hlusta á þáttinn hennar Valdísar Gunnarsdóttur á netinu. Nei, ég er ekki forfallinn aðdáandi heldur var viðtal við konu(Jónu Á. Gísladóttur) í þættinum í gær sem ég hef lengi fylgst með, þ.e.a.s blogginu hennar. Síðan ég var að vinna í vesturhlíð hef ég farið reglulega inná bloggið hennar því hún á einhverfan strák sem var þar. Hún skrifar mjög skemmtilega og sérstaklega þegar hún er að segja frá syni sínum. Hún er orðin einn vinsælasti bloggari landsins og slóðin á bloggið hennar er hérna: http://jonaa.blog.is/
Á morgun koma Sibba og Andri að koma í heimsókn til okkar(við getum ekki beðið). Þessvegna þurftum við að taka okkur á og þrífa íbúðina. Ég virkjaði Árna í það með mér. Hann sópaði(já sópaði, það er ekki ryksuga í þessari íbúð) og þreif eldhúsið og ég tók baðherbergið og skúraði svo gólf. Þess má geta að á spáni er þetta apparat notað til skúringa:
Kannski þekkja þetta allir en ég hef allavega aldrei notað þetta á íslandi. Þetta heitir fregona á spænsku og er mjög þægilegt fyrir þá sem vilja ekki þurfa að vinda ógeðisvatnið úr moppunni með höndunum en þetta er aftur á móti ekki svo sniðugt ef fólk vill fá hrein gólf, því þetta dreifir bara skítnum.
Það var meðan ég var að skúra sem ég fór að pæla í hvort að ég væri orðin fullmikil...
Kelling!
That's right
Ég baka brauð, hlusta á bylgjuna, versla á kallinn minn og þríf og skúra gólf þegar gestir eru að koma í heimsókn...
Hvar endar þetta?!?
