Bakþankar

Jæja þá. Við Sylvía vorum einmitt að tala um það í fyrradag hvað okkur fyndist við vera búin að vera hérna lengi en ég er viss um að ef við hefðum verið hérna í tveggja vikna fríi að þá hefðum við hugsað hvað tíminn væri búinn að fljúga hratt..heyrist ekki örugglega að ég er með BA í sálfræði?

En að öðrum málum. Ýmislegt hefur á daga okkar drifið innan veggja þessarar íbúðar síðustu daga. Þannig eru mál með kexi að klósettið okkar er ekki búið að taka vatn inná sig þannig að við höfum þurft að skola fíneríinu niður með vatni úr fötu. Eeeen í dag fiktaði Sylvía pípari aðeins í sturtara-takkanum og viti menn..vatn fór að flæða inn. JEI!! 1-0
Annað sem hefur verið að angra okkur hérna er að það er sífellt sífreri í íbúðinni. Gasofninn í stofunni ákvað að hætta að virka en hann virkaði bara fyrsta daginn. Eigendurnir vilja ekki kannast við vandamálið. 1-1
Þegar við komum heim áðan úr búðinni og ætluðum að byrja að elda þá hrópar Sylvía á mig úr svefnherberginu um að koma strax..allt var rennblautt því loftið var farið að leka. Við sáum gífurlega sprungu sem hafði opnast og vatn var að reyna að brjóta sér leið á öðrum stöðum. Við moppuðum þetta vel og komum þremur fötum fyrir til að ná sem mestu. Nágrannar okkar á efri hæðinni sögðu að þeir hefðu verið að færa sturtuna sína en við heyrðum svo í þeim vera að fikta e-ð í rörunum hjá sér og loks hætti að leka þannig að við gátum borðað kjúllann í ró og næði. 2-1


Megnið af þessum sprungum eru gamlar..


Til að toppa þetta allt saman þá er helv..kötturinn kominn á lóðarí. Fjárfestum í eyrnatöppum þannig að hún breimar bara frameftir morgni okkar vegna. 2-2


Annars er lítið að frétta af okkur nema að ég er kominn með kort í gymmi hérna hinum meginn á Römblunni. Ágætis gym með gufu og sundlaug á efstu hæð, JÍHAAA!

Svo koma nokkrar auka myndir af götunni okkar og myndir teknar af þakinu.


Þeir voru að klára að gera við Gaudí húsið í götunni okkar!


Sylvía að kroppa naglalakk..


..og tvær svona úr heimilishaldinu



Hasta luego